O tempo meteorolóxico e o clima sempre espertaron preguntas e dado grandes conversacións, moitas delas de ascensor…

Miralo, entendelo e anticipar os seus cambios foi unha tarefa compartida por xeracións enteiras. Nesa procura constante, as mulleres estiveron presentes desde o principio e ata o día de hoxe, achegando as súas observacións, coñecemento e sobre todo unha enorme capacidade de traballo.

Ao longo da historia, mulleres de distintos lugares e contextos observaron as nubes, estudaron os ventos, analizaron datos e desenvolveron modelos que hoxe resultan indispensables na predición meteorolóxica e climática. Estas mulleres traballaron moitas veces, na clandestinidade científica, sen recibir recoñecemento ao seu labor pero coa satisfacción de facer aquelo que lles apaixonaba.